今日天朗氣清，陽光和暖，我到流浮山走走。本來想感受一下漁村風情、吃個海鮮、看看風景，點知去到現場才發現，整個地方冷冷清清，完全冇咩人影。明明係星期日，但遊客少之又少，平時熱鬧的海鮮檔口都靜悄悄，實在令人感慨。
走著走著，遇到熟悉的雲姐。佢見到我苦笑一聲，話：「今日又冇生意，真係唔知點算好啦……」聽到呢句，心裡有啲唏噓。疫情過後，經濟未完全恢復，加上旅遊模式轉變，像流浮山這種靠本地遊支持的社區，的確好艱難。
我見咁慘淡，都唔好意思兩手空空離開，最後都係幫襯咗雲姐，買咗啲小海鮮，順便同佢傾咗幾句計。雖然只係小小支持，但希望佢感受到有人關心，有人記掛。
今日的行程雖然平淡無奇，但卻帶著一點沉思。流浮山的景色依然美，但人情味更令人難忘。希望下次再來，能見到它重新熱鬧起來。
李大齊
香港大學經濟系畢業，歷任國際保險公司大中華區責任險主管。熱愛中國傳統文化喜愛收藏，熱心推動年輕人認識中國傳統文化、音樂和藝術。
上載日期：2025.6.8